Chapter 18: Supremo

“Boss, may tumatawag sa telepono mo,” sabi ng isang lalaki. Ibinigay niya ang cellphone at tinanggap naman ‘yon ng boss nila.

“Hello, sino ‘to?” tanong ng boss ngunit nagtaka siya nang tawa lang ang isinagot ng kausap niya.

“Hindi ba ako nakikilala at naaalala?” tanong ng isang malalim na boses.

“Kung hindi ako nagkakamali, ikaw ang nag-utos sa amin na patayin si Golden Cazburn, ‘di ba?” paniniguro ng lalaki.

“Nabalitaan kong hinahanap ng prinsipe ‘yong bote ng lason,” sabi ng misteryosong lalaki at maririnig sa kabilang linya ang pag-tap niya ng daliri sa mesa.

“Diretsuhin mo na ako. Ano’ng ipapagawa mo?” tanong niya. Lumipas ang ilang minuto ngunit hindi pa rin sumasagot ang kausap niya. Nang akmang papatayin na niya ang tawag ay muli itong nagsalita.

“Alam kong hanggang ngayon ay nasa inyo pa rin ang bote. Ibigay n’yo ‘yon sa kanya.” Nanlaki an