Chapter 19: Development

THIRD PERSON’s POV

“Paano natin mahahanap ‘yon? Sampung taon na ang nakalilipas nang makuhaan ng litrato ang bote,” reklamo ng isang lalaki habang pinapalo ng hawak niyang kahoy ang mga dahon na nadaraanan.

“‘Wag ka na ngang magreklamo riyan, Georgie. Maghanap ka na lang nang may matanggap kang reward kay Yna,” sabi ng kasamahan niya na ikinatuwa ni Georgie.

“Sa tingin mo, Jester, ano ang ibibigay na reward sa atin ni Yna?” nakangising tanong ni Georgie.

“Ano pa ba? Malamang, katawan niya. ‘Yon naman ang lagi niyang ibinibigay sa atin tuwing nananalo tayo sa misyon na ginagawa natin,” ani Jester at nag-apir pa sila ni Georgie na parang nanalo sa lotto.

Sa kabilang gilid ay may isang lalaki na iiling-iling na lang habang pinapakinggan ang kamanyakan ng kanyang mga kasamahan. Siya lang kasi ang bukod-tanging hindi tumatanggap sa katawan ni Yna dahil iginagalang niya ang mga babae.

“Hans, sumama ka sa amin nang madali na nating mahanap ang bote