KABANATA 47

Georgina Czsharina's POV

Pasado alas onse na ng umaga sa sandaling iyon. Kasama ako ni nanay Selina sa pamilihan, kailangan kasi namin ng mga rekado sa lulutuin mamaya. Kasama rin namin sina Austin at Shaniah na abala sa may parke dahil nililibang nito ang paslit.

"Naku, salamat sa pagsama mo sa akin, hija." Nakangiting sambit ng matanda.

Ngumiti lang din ako saka umiling. "Mas mabuti po na may kasama kayo sa pamamalengke."

"Ay naku, nasanay na akong mag-isa, hija. Kilala na ako sa lugar na 'to kaya hindi na rin ako kabado sa mga lugar o kung saan ako papunta. Saka, peaceful ang Samal, walang mga krimen dito, kung mayroon man, tiyak na mga dayo iyon dito. Kadalasang away lang naman dito eh, tungkol sa lupa o mga nawawalang hayop." Tawa pa nito. Natawa na rin ako sa pagiging bibo ni nanay Seling. Nagpunta kami sa bilihan ng mga prutas. Namili ako ng ubas, preskong mansanas at ang hilaw na mangga. Naaamoy ko lang ang amoy nito ay halos tumulo na ang laway ko sa pagkakatakam.

"Naku, hija