Chapter 37: Visitor

AYEISHA

NAKANGITING sinalubong ako ni Kalei nang makapasok ako sa bahay ng mga Hernandez. Wala siyang pakialam kahit nandiyan si Jena. Kita ko nga nang hawakan niya sa kamay si Kalei pero kumawala siya. Late na ako nakarating dahil bigla raw na sinara saglit ang dinaanan namin dahil sa aksidente daw kagabi. Kakahanap ng driver ng shortcut papunta sa bahay ng mga Hernandez lalo tuloy akong na-late.

Para sa akin, kasalanan naman ni Jena. Hindi niya sinabing doon sila matutulog. Ang alam ko aksi sa bahay nila ang handaan.

“Si Halina po?”

“Naku po, nandoon kila Lola niya. Iniwan ko kasi walang magbabantay sa kan’ya dito. Magiging abala ang mga tao dito dahil birthday ng Daddy mo,” pagpapaintindi ko.

“Eh, p’wede ko naman po siyang laruin, Miss Asha. Wala tuloy akong kalaro ngayon.” Bahagya pa siyang nalungkot.

Ilang araw na rin kasi niyang hindi nakakalaro si Halina dahil piniling ikulong ni Jena si Kalei. Siguro, kung alam ko lang na hindi niya anak si Kalei, baka may nagawa na ako nitong