Chapter 20

Nasa kalagitnaan na siya ng kanyang pagsasalita. Tinatalakay niya sa madla ang kanyang planong pagpapatayo ng pampublikong ospital kung saan hindi na kailangan ng mga taong pumunta sa ibang bayan para lamang makapag- pagamot.

Bagamat sibilisado na nga ang kanilang bayan ay wala pa rin itong sariling ospital kaya ang mga tao ay dumadayo pa para lamang magpagamot.

Iyon ang isa sa kanyang mga plataporma dahil hindi lamang pangako iyon dahil itatayo niya talaga iyon para na rin sa kapakanan ng mga tao.

Inisip niya talaga ang mga bagay na makakabuti sa kanilang bayan, humingi pa nga siya ng advice sa kanyang mga kaibigan at iyon din ang ibinigay nilang suhestiyon, ang magkaroon ng isang pampublikong ospital.

Ngunit hindi pa siya natatapos sa kanyang sinasabi ay biglang may nagtaas ng kamay sa karamihan ng tao.

Bigla naman siyang tumigil sa kanyang pagsasalita.

"Sige po." Sabi niya sa mic at isinenyas sa kanyang mga tauhan na bigyan ito ng mic upang masabi nito ang gusto nitong sabihin.

"To