Chapter 41

Shanra

"Sa wakas may bagong batch na naman tayo ng mga organ na idi-deliver sa ating mga customer," narinig ko ang masayang boses na sabi ni Mr. Soriano sa tatlong doktor na matagumpay na nakuha ang mga mahahalagang organs sa loob ng katawan nang tatlong biktima nila. At ako ang magiging pang-apat nilang biktima sa araw na ito. Hindi ko matanggap na sa ganitong klaseng paraan lamang ako mamamatay. Ngunit paano ko naman sila mapipigilan? "It's your turn, Shanra," kausap niya sa akin nang lumapit siya sa aking tabi.

"Hayop ka, Soriano! Kahit patay na ako ay paghihigantihan pa rin kita," nagtatagis ang mga ngipin na sabi ko sa kanya. Ngunit tinawanan lamang niya ako.

"I don't believe in vengeful ghost, Shanra. Dahil kung totoo iyan ay marami na sana ang nakapaghiganti sa akin na mga taong namatay dito sa loob ng aking laboratory. But until now, wala namang naghihiganti sa akin," sagot nito na nagkibit lamang ng mga balikat.

'Sir, ready na kami to operate this one," sabi ng babaeng doktor