BILLIONAIRE'S SPECIAL MENU C98

MELCU CHUCK...

Pagkatapos malaman ni Courtney ang tungkol sa kapatid at totoong ama nito ay naging mas maaliwalas ang hitsura ng asawa.

Kinabukasan ay dumating din ang ama nito at hindi katulad kagabi kay Carter ng ipinakilala n'ya sa asawa ay mas naging emosyonal ang pagkikita ng mag-ama.

Lumabas muna s'ya para bigyan ng privacy ang mga ito na makakapag-usap. Hindi pa sila nag-uusap ng ama ni Courtney at balak n'ya na mamaya n'ya na lang ito kakausapin para makipag-ayos dito.

Hindi naman s'ya lumayo at nasa labas lang ng kwarto ng asawa. Kasama ng mga ito si Pia at Carter sa loob. Naupo s'ya sa upoan at isinandig ang ulo sa pader.

Ang gaan na ng kan'yang pakiramdam ng mga oras na ito. Unti-unti ng bumabalik sa maayos ang lahat. Ang ama na lang ni Courtney ang problema n'ya ngayon pero mamaya ay kakausapin n'ya ito at makipag-ayos na sa matanda.

Hindi naman pwede na ganito na lang sila hanggang sa huli dahil magiging pamilya n'ya na rin ang mga ito. At isa pa ay matanda na ang