Chapter 61

Dean

Nag-aalala ako kay Brianna. Ilang araw na akong walang balita sa kanya. Nang tinawagan ko si Rex kanina ay wala rin daw itong balita tungkol sa dalaga. Sa labis na pag-aalala ko sa kanya ay pinuntahan ko siya sa kanyang coffeeshop kahit na magkikita sana kami ngayon ni Bridget dahil ipapakilala na niya ako sa kanyang ama bipang lalaking mapapangasawa nito. Sinabi na rin sa akin ni Bridget ang tungkol sa negosyo ng ama nito at nagkunwari akong interesadong sumali. Na wala akong pakialam kahit pa illegal ang negosyo ng ama nito. Malapit nang matapos ang aking misyon. Makakasama ko na rin sa wakas si Brianna.

"Good morning, Sir. Ano po ang order ninyo?" nakangiting tanong sa akin ng cashier ni Brianna nang lumapit ako sa counter.

Biglang nawala ang ngiti sa mga labi ng babae kaya hindi ko maiwasang kabahan.

"Sir, magli-limang araw na po na hindi nagpupunta rito si Ma'am Brianna. Nag-aalala na nga rin kami kaya pinuntahan namin siya sa bahay niya noong isang araw pero mukhang walang