Chapter 60

Brianna

Paggising ko kinabukasan ay masakit ang aking katawan. Siyempre, sino ba naman ang hindi sasakit ang katawan kung halos mag-umaga kang inangkin ng lalaking pinakamamahal mo? Hindi ko kasi mabilang kung ilang beses akong inangkin ni Dean sa buong magdamag. Para bang sabik na sabik siya sa akin at hindi niya mapigilan ang kanyang sarili na magnasa sa tuwing nagigising siya. Ngunit kahit pagod at masakit ang buo kong katawan ay wala akong pinagsisisihan sa nangyari. Mahal ko si Dean at kahit ipang beses pa niyang gustong angkinin ang aking katawan ay pagbibigyan ko siya ng buong puso.

Kasabay ng aking ngiti sa aking mga labi pagmulat ko ng aking mga mata ay lungkot nang malaman kong wala na si Dean sa aking tabi. Umalis na siya nang hindi man lang nagpapaalam sa akin. Hindi ko tuloy malaman kung ano ba talaga ang relasyon naming dalawa. O totoo nga ba ang aking iniisip na parausan lamang niya ako?

Mabagal na bumangon ako sa kama at naligo. Ngunit hindi ako papasok ngayon dahil ma