Chapter 59

Dean

Hindi ako mapakali habang hinahanap ko si Brianna sa parking area. Lasing ito at delikado para rito ang magmaneho lalo pa at mahabang oras itong magda-drive ng kotse. Hindi ko mapigilan ang mag-alala para sa kanya. Alam kong nasaktan ko siya nang marinig niya na ipinakilala jo si Bridget sa mga ka-schoolmate namin bilang fiancee ko. Pero wala akong choice. Biglang pumunta sa reunion si Bridget kahit hindi ko naman siya inimbita. Sinundan lamang niya ako kaya natuklasan niya na reunion ang pupuntahan ko at nauna na itong ipakilala ang sarili sa mga kakilala ko na fiancee ko siya. Hindi pa tapos ang misyon ko kaya hindi ko puwedeng saktan si Bridget.

Ang totoo, kaya ako um-attend sa reunion dahil umaasa akong aattend din si Brianna. Kahit paano ay makakausap ko siya nang walang mga matang nakamasid sa amin at hindi ako mangangamba na baka may makapagsumbong kay Bridget o di kaya sa ama nito na malapit o mahalaga sa akin si Brianna. Pero nang malapit na ang party ay hindi ko ini-exp