Chapter 40 BIPR

Amber's Pov

HINDI ako mapakali. Kanina pa ako pabalik-balik ng lakad sa loob ng kuwarto ko. Alam kong sinabi ni Nanay na maayos na nag-uusap si Tatay at Ze, nakita ko rin naman kanina nang sumilip ako sa bintana, pero hindi pa rin mawala ang kaba sa aking dibdib. Lalo pa't nag-iinom sila, baka uminit na naman ang ulo ni Tatay at kung saan na naman mauwi ang usap nila.

Pinagpapawisan na ako sa pagpapabalik-balik ko. Gustong-gusto ko ng lumabas ng kuwarto para puntahan sila sa kubo. Inaantok na rin ako pero hindi ko magawang matulog dahil baka kung anong mangyari.

Paano kung saktan na naman ni Tatay si Ze, ni hindi pa nga nawawala ang mga pasa nito sa mukha eh. At alam kong pati ang katawan nito ay masakit pa rin kahit wala itong sabihin sa akin.

Muntik pa akong mapatalon nang makarinig ng katok sa labas ng pinto ng aking kuwarto. Dali-dali akong lumapit doon at may pagmamadaling binuksan iyon. Tila ako nakahinga nang maluwag nang makita ko si Tatay.

Halatang lasing na ito pero mababak