Chapter 15

Risk

"Lex, bat parang pinagsakloban ka ata ng langit?" bati sa akin ni Raya.

Napakurap ako at sinubukan ngumiti. Nasa lamesa kami malapit sa stage kung saan magpeperform ang aking mga pinsan. Kanina pa ako tahimik simula ng dumating kami sa Sweet Day Cakes and Pastries cafe malapit sa aming eskwelahan.

"May nangyari ba?" tanong niya sa akin. Kilalang-kilala niya talaga ako pag may bumabagabag sa aking isipan at hindi ako mapakali.

Kumpleto kami ng aking mga pinsan na nakaupo sa pinakaharapan na lamesa dahil alam namin na mamaya lamang ay dudumugin ng maraming tao ang banda nila kuya. Kaya naman ay nauna na kami sa mga taong nandoon. Wala pa si Kuya Leon at Kuya Zaxton na ikinahinga ko ng maluwag. Si Adam naman ay mas piniling maiwan sa mansyon kasama sila lola sa hindi ko malaman na dahilan.

"May sinabi lang si Kuya Leon sa akin," mahinang bulong ko sa kanya.

Abala sila Ate Estelle, Hannarah, Daphne, at Shivani sa pagtulong sa pag ayos ng mga equipment na gagamitin nila Kuya Levi par