Kabanata 54

Wala akong ideya sa kung paano ko ipakikilala si Russel sa kanila pero nang makarating kami sa bakuran, tila bigla akong itinulak ng kumpiyansa. I smiled as I reach for his arms. Iginiya ko siya sa terasa kung saan naroon ang mag-asawa at si Nanay, kasalukuyang nag-uusap.

Agad tumayo si Nanay nang makita kami. Dumapo ang tingin niya sa kamay kong nakahawak sa braso ni Russel at alam kong nakuha niya ang ibig sabihin nito. “Tuloy ka, hijo.”

Tumikhim ako upang mabawasan ang pagkailang sa nagtatakang tingin nina Tiya Marga at asawa niyang si Tiyo Carlos.

“Uh, Tiya, si Russel po, boyfriend ko,” anas ko sabay baling kay Russel. “Si Tiya Marga, nakababatang kapatid ni Nanay at siya naman si Tiyo Carlos, asawa niya.”

“Magandang araw po.”

Ngumiti ang dalawa.

“Nice meeting you, hijo! Kaygandang lalaki, ah!” palatak ni Tiyo Carlos.

Napangisi ako.

“Akala ko ba manliligaw pa lang, Alliyah?” Makahulugan akong tiningnan ni Nanay.