Chapter 130

Nakaupo kaming lahat sa couch habang hinihintay ang pagbalik ni Tito William. Tapos na namin gamotin ang mga sugat at kalmot sa katawan ni Liam. Isa sa mga katulong ang nagsabi na unti-unti na raw natauhan si Clint sa nagawa niya. Inutosan ni Tita Blythe ang ibang mga tauhan nila na tulongan ang kaniyang asawa dahil baka siya naman ang mabugbog ni Clint.

“Nandiyan na po sila, Señorita,” anunsiyo ni Manang Julie.

May tali ang mga kamay ni Clint at nakabalot ng putting tuwalya ang mga kamay niya. Hindi ako makatingin ng diretso sa kaniya dahil natatakot at nahihiya ako. Baka sumbatan niya na naman ulit ako.

Tumayo si Liam at nilapitan niya si Clint. Wala akong makitang galit sa mukha niya. Nag-aalala siya sa kapatid niya.

“I-I’m so sorry. Hindi ko alam ang ginagawa ko –” Napahinto si Clint sa pagsasalita nang bigla siyang yakapin ni Liam.

“I understand, Clint,” bulong ni Liam at hinagud-hagod ang likod ng kapatid niya. “Hindi ako galit sa ‘yo. Alam kong may pinagdaraanan ka ngayon.