Chapter 57

Nanatili akong nakatitig kay Liam at naghihintay na sasabihin niyang nagbibiro lang siya. Seryoso ang mukha niya habang sinasabi niya ito. Bigla kong naisip si Vanessa. Nakita ko siya sa banyo ng mga babae habang hinahanap ko si Max.

"Don't tell me may atraso ang pamilya namin sa kanila. Imposible ang sinasabi mo, Liam."

"Hindi ko rin alam. Matagal na akong walang koneksiyon sa kaniya. Ang alam ko lang ay galit ang pamilya niya sa akin."

"I saw her bago nangyari ang lahat ng 'to sa atin ngayon. I saw Vanessa," sabi ko.

"What? How?" takang tanong ni Liam.

"Nakita ko siya sa banyo habang hinahanap ko si Max. Tinanong niya ako kung bakit ko raw siya kilala. Ang sagot ko ay nakilala ko siya dahil kay Lucas."

"Wala na ba siyang ibang sinabi sa 'yo?"

Umiling ako. "Vanessa was her old name? Did she changed her name?" tanong ko kay Liam. Bakas sa mukha ni Vanessa ang pagkagulat nang tinawag ko siya sa kaniyang pangalan.

"Yes. She changed her name into Irene Lacsamana." Sagot ni Liam.