DEATH

Chapter thirty-two

Buong buhay ko, namuhay ako sa lungkot. Namuhay ako nang puno ng galit sa puso. Namuhay ako na ang iniisip lang ay kung paano makakaganti sa mag-ina. Hindi ko alam na aabot ako sa puntong gagamit ako ng tao para magawa ang plano ko. 

Hindi ko alam na magmamahal ako. Sakanya ko naramdaman ang saya, kilig at pagmamahal. Akala ko nga, magtatagal 'yon pero hindi. Agad ding natapos ang kasiyahang 'yon.

Ayokong maging makasarili kaya mas mabuting tapusin na lang namin ang relasyon na 'yon. Hindi ako magiging masaya kapag nagsama kami habang may anak siya kay Vicky. Gusto kong lumaking may pamilya ang bata. 'Yon lang 'yong gusto ko.

"Bakit mo ginawa 'yon?"

Hindi ako naka-imik sa tanong ni Farrah. Malamig ang boses niya kaya alam kong galit siya. Nakatanggap agad ako ng tawag sakanya pagkatapos kong paalisin sila Vicky at Cin. Hindi ko alam kung paano niya nalaman ang ginawa ko sa dalawa pero sigurado naman akong hindi magsasalita s