CHAPTER 46

NANG SUMUNOD na buwan ay nag-organize ang ilang department ng outing. Ginanap iyon sa kilalang resort sa Batangas. Minsan pang nagtalo sina Devance at Triana na itigil na ang pagpapanggap niya bilang ibang tao dahil lampas na sa sixty days iyon mula nang simulan niya. Pero humingi siya ng extension. Natutuwa kasi siya sa ginagawa at may tamang panahon para magpakilala siya.

Samantalang si Austin ay tuluyang nag-file ng indefinite leave kaya wala ito ngayon. Wala silang balita kung kailan ito babalik. Kaya maging si Lara ay hindi na rin pumapasok sa AGC dahil bumalik na ito sa sariling kumpanya ng pamilya. At abala na rin ito sa nalalapit nitong kasal. Mukhang hindi na talaga iyon mapipigilan. Lara agreed with her marriage to Chen, and she had no plans of backing out unless Austin told her so, na malabo ring mangyari dahil hindi nga sa kanila nagpaparamdam si Austin.

Magkakasama ang Marketing, Engineering, at Executive Department sa nasabing early summer getaway. Hindi na nagtaka si T