Chapter 15: PUSSYcat

Sinamahan nga ako ni Harold sa school. Gaya ng sabi ni Mr. Shein ay nag enrol ako sa isang university dito sa bayan. Sabi ko kay Harold na ayos lang ako kahit doon sa community college dahil libre lang ang tuition para projects nalang at pamasahe ang gagastusan pero ang sabi niya ay utos daw ni Mr. Shein na dito ako e enrol kaya wala akong nagawa.

Papauwi na kami, kakatapos lang namin kumain sa karenderya kanina. Hindi ko nga alam kung ayos lang ba kay Harold kasi kanina nang dalhin ko siya doon sa karenderya, nakita ko ang bahagyang pagngiwi niya. Napaisip tuloy ako kung sanay ba siya sa mga ganoon o hindi.

Sa labas lang ako nakatingin. Doon ko nalang itinuon ang buong attention ko habang binabaybay namin ang daan pauwi sa bahay ni Mr. Shein. Nakita ko sa daan ang isang kuting.

“Hala! Itigil mo muna Harold.” Sabi ko at pinatigil siya. Agad akong bumaba ng kotse at pinuntahan ang kuting na kulay itim.

“Kawawa ka naman. Asan ang nanay mo?” nag-ingay lang siya ng “meow” at dinidilaan