Chapter 94

Nagising ako dahil sa katok sa pintuan ng kwarto ko. “Stacy, anak. Gising ka na ba?” mahinang tanong ni Daddy sa likod ng pintuan pagkatapos ay muling kumatok ng tatlong beses.

“Opo, Dad. Kagigising ko lang po.” Pagkatapos kong mag unat ay tinatamad at inaantok ko pang tiningnan ang relo sa uluhan ko.

Pagkakita na ala una na ng hapon ay napabalikwas ako ng bangon. “Omg! Ala una na!”

May usapan kami ni Richard na pagkatapos ng meeting nila ay dito na siya sa bahay namin didiretso, dito na siya kakain ng lunch. Pero mukhang imposible yata iyon, ala una na pero wala pa akong nailuluto na kahit anong pagkain.

Pagkarating namin ni Dad kaninang umaga galing sa ospital ay nagpaalam siya sa akin na magpapahinga na muna sa kuwarto niya. Habang ako naman, since masyado pang maaga para magluto ng pananghalian dahil alas nuwebe pa lang kanina ay nagpasya rin na umidlip na muna pagkatapos ong mag-shower. Alam ko na idl