Chapter 11

Pagpasok pa lang sa apartment niya kung saan dinala ang nobya ay kaagad niya itong kinompronta sa dinatnan na eksena sa restaurant. Nag-aalala man kung paano makakauwi ng San Bartolome ang mag-ina ay mas minabuti muna niyang ilayo ang nobya sa mga ito.

“I can't believe you did that Dianne!” dismayado na turan ni Gavin. Ang tawaging bastardo ng kanyang nobya ang kanyang anak ay masyadong nagbigay sakit sa kalooban ni Gavin. Imbes na unti-unti na niyang nakukuha ang loob ng anak ay sa tingin niya ay mahihirapan siya na muling makalapit kay Trevin. “You have wasted my efforts on earning his trust.”

“What about me? Ni hindi mo man lang isinaalang-alang ang feelings ko! Hindi ka nga nagpaalam sa akin kung okay lang ba sa akin na ibigay mo ang bahagi ng iyong atay sa batang iyon!” Matigas na ang anyo ni Dianne. Ang mga luha nito ay nag-uumpisa ng mangilid. Ang kanyang maskara ay humalo na sa luha nito at nagmistula na itong