Chapter 26

Hindi naramdaman ni Gavin ang ganap na kaligayahan sa piling ng asawa. Kahit noong nasa honeymoon sila sa Maldives ay sa tuwina ay tinatanaw ang malawak na karagatan sa tuwing tulog na ang asawa. Ang puso niya ay hinahanap si Trixxie. Matay mang isipin ay binalikan siya ng kanyang sinabi dito noon. Na walang iibig dito. Ano at kinain niya ang mga binitawang salita? Imbes na magpakasaya sa piling ng asawa, siya ay nalugmok sa kumunoy na alam niyang mahirap siyang makakaahon.

Naalala pa niya ang payo ng ama noon. Lubos siyang nagsisisi na itinuloy ang pasyang pakasalan ang asawa. Palihim pa niyang pina-imbestigahan ang asawa. Nawindang siya sa nalaman! Na may lahi pala ang asawa na may diperensya sa pag-iisip na namana sa ina nito na si Dina. Malabo na silang magkaanak sa kadahilanang tatlong beses na pala itong nakunan at may iniinom pa itong gamot para sa anxiety nito. Kung ititigil ni Dianne ang pag-inom ng maintenance na gamot ay maaaring bumalik ang sak