Sa secret library ni Brandt ay masusi niyang nilalatag ang isang info map na nakalagay sa isang libro at naka-duplicate iyon sa isang USB. Kasama niya ang anak na si Trevin. Lingid sa kaalaman ni Trixxie ay pasekretong sinasanay ni Brandt ang panganay na anak para maging handa sa hinaharap. Nang magpaalam sila na pupunta ng Italy ay hindi iyon para magbakasyon. Iyon ay para ipakilala ang bata bilang pinakabatang miyembro ng kanilang organization. Sa edad na sampu ay marunong na nag-decode ng mga sikretong mensahe si Trevin. Maning-mani para rito ang mag-hack ng isang computer system. Pati lengguwahe ay marami na itong alam. German, French, Italian, Russian, Mandarin, Korean to name a few. Ang pagiging homeschool ng bata ay isang scapegoat lang pero ang totoo ay nag-aaral ito ng iba’t-ibang lengguwahe. Ayaw sana ni Brandt na isali sa organisasyon ang anak pero naging makulit ito. Balewala ang pagtanggi niya dahil nauna
Nang gabing iyon ay masaganang hapunan ang pinagsaluhan ng mga Angeles. Ikinagalak ng mga anak ni Harvey at Erica ang pagdating ng mga pinsan na sina Trevin at Tatiana. “Kamukha mo talaga si Ate Natalie ko, well except maarte si Ate,” pansin ni Harrison kay Tatiana. Napangiti si Tatiana sa sinabi ng pinsan. Maging siya kasi ay natutuwa na kamukhang-kamukha niya ang pinsan. “Mamita oh! Gumana na naman ang pagiging pintasero ni Harrison!” asar na sumbong ni Natalie sa abuela. Tiningnan ni Senyora Anatalia ang apong si Harrison at naningkit ang mata nito. Napayuko ang bata at umusog papalapit sa Nanay nito. Walong bata lahat ang nasa hapag-kainan at nasa isang long table sila. Ang bunsong anak ni Erica ay nasa high chair at tahimik na kumakain. Natutuwa si Trixxie na kahit ginawan niya ng masama ang kapatid at hipag noon ay naging maayos ang pagsasama ng mga ito. Pero, nawindang siya sa dami ng anak nito
“Trevin!” Napasigaw si Trixxie sa pagsuntok ni Trevin sa ama. Nagulat si Gavin sa inasal ni Trevin. Kaagad niyang binitawan ang hawak na kamay ni Trixxie. Sa itsura ng anak ay nasasalamin ang hindi mapantayang poot. Ano ba ang mga pinagdaanan ng anak niya at ng ina nito na sukdulan ang galit nito sa kanya? Maging si Trixxie ay napatda sa ginawa ng anak. Hindi niya sukat akalain na tatawagin lamang ang ama nito sa apelyido na ayaw nitong gamitin. Makailang beses noong pinakiusapan ni Trixxie ang anak na pumayag na dalhin ang apelyido ng ama. Ngunit sa tuwina ay todo tangi ang anak at kung tatanungin niya ang dahilan ay wala itong sagot. Kita ni Trixxie na sapo pa rin ni Gavin ang panga dahil sa suntok ng anak. Pero, alam niyang mas nasasaktan ang puso nito sa trato ng anak sa kanya. “Anak, Papa mo pa rin siya huwag kang ganyan sa kanya!” malumanay na usal ni Trixxie sa anak. Niyakap niya nang tuluya
Nagpupuyos sa galit si Dianne sa narinig mula sa biyenan. Natatandaan niya noon nang sinabi ni Trixxie na nagtataksil ang nobyo. So, ang tinutukoy nito na babae ni Gavin ay siya mismo? Biglang naawa si Dianne sa sarili. Hindi na nga niya mabigyan ng anak ang asawa. Ngayon ay nakumpirma pa niya ang hinala noon na may ugnayan nga si Gavin at ang ina ng anak nito. Dalawang taon na lang at kwarenta anyos na siya. At ang lintek niyang gamot para anxiety ay hindi siya pwedeng pumalya. Dumagdag pa ang hirap siyang magbuntis dahil tatlong beses na siyang nakunan noong panahon na hindi pa niya nobyo si Gavin. Nangilid ang luha ni Dianne at hindi mapigilan na magalit kay Trixxie. Kung may plano ang asawa na hiwalayan siya ay mas malaki ang laban ni Trixxie. Dalawa ang anak ng mga ito samantalang siya ay hindi mabigyan kahit isa man lang si Gavin. Dumaosdos siya sa lupa at lumabo ang kanyang paningin dahil hilam na ng luha ang kanya
Matapos silang kausapin ng ama ay papunta na sana si Trixxie sa mga anak. Ngunit, umagapay si Gavin sa kanya. Hawak ang kanyang braso ay hinila nito si Trixxie sa likod ng mansion. Doon sila napadpad sa hindi pansinin at may malagong halaman. Walang babala na hinalikan ni Gavin si Trixxie. Sa pagkabigla ay hindi kaagad nakaimik ang huli pero ilang sandali at kaagad nahimasmasan ito at buong pwersa na itinulak si Gavin. Sinampal niya ito ng malakas at sapol ang kaliwang mukha ni Gavin. “Ang kapal mo talaga Gavin! Ni sa hinagap hindi ko pinangarap ang maging babae ng lalaking may asawa! Ano ba kasi ang gusto mong mangyari?” Nanggagalaiti si Trixxie na kahit may asawa si Gavin ay ipipilit nito ang sarili sa kanya. Dinuro ni Trixxie si Gavin lalo at nandidiri siya dito lalo pa at may asawa itong tao. “Gusto ko lang aminin mo na anak ko ang anak mong babae!” tiim na saad ni Gavin. Sa kanyang kalkulasyon, anak niya ang batang baba
Napabuntong-hininga si Mang Guillermo sa pinagdadaanan ng anak.Nagkalat ang bote ng beer sa mesa habang nakayukyuk na si Gavin doon. Mahirap nga naman ang kalagayan nito. Ang babaeng mahal nito ay hindi pwedeng angkinin dahil may asawa si Gavin. Ang mga anak naman nito ang ay ang isa ay kinamumuhian ang ama, samantalang ang isa ay iba ang kinikilalang ama. Hindi napansin ng mag-ama ang bagong dating na si Dianne. Galing ito sa Centro para magliwaliw at ang nadatnang eksena ay nagpainit sa ulo nito. “My God Gavin! You look like a mess.” Nilapitan nito ang asawa at inagaw ang bote ng beer na hawak ni Gavin. “Alam mo naman na bawal sayo ang alcohol!” Tiningnan ni Dianne ang biyenan at pinagsabihan. “Grabe Tay, hindi mo man lang inawat ang anak ninyo!” “Kita mong may pinoproblema ang asawa mo. Hayaan mo siya. Malaki na siya at alam na kung ano ang masama sa mabuti. Hala mag-usap kayong mag-asawa.” Tumaliko
Sa bahay ng mga Mendez, nakatulog si Gavin sa kalasingan. Konti lang naman ang iniinom niya ngunit dahil hindi na sanay ang katawan ay kaagad na iginupo ng antok. Dagdag pa ang emosyonal na komprontasyon nito at ng asawa na si Dianne. Napasukan ng ama ang kaawa-awang itsura ng anak. Isa lang naman ang gusto nito, ang kilalanin ng mga anak na siya ang ama ng mga ito.Mahirap ba ibigay iyon ng mga apo? Bilang ama ay nasasaktan siyang makita na nasasaktan ang kanyang anak. Kaya, nagpasya si Mang Guillermo na puntahan ang apo at siya na mismo ang makikiusap na tanggapin nito si Gavin bilang ama. Sabik si Gavin sa anak na hindi kayang ibigay ng kanyang asawa kaya hindi niya ito masisisi. Binaybay niya ang daan patungo sa mansion ng mga Angeles. May kalayuan iyon pero dahil papalubog na ang araw ay hindi na masakit ang tama ng sinag nito. Nang matanaw na ang gate ay naroon ang driver na si Mang Tomas at ito na ang pinakiusapan niya.
Paano na ang kanyang plano na makasama ang mga anak? Paano na ang plano niyang buuin ang pamilya nila? Naglakad si Gavin upang umagapay dito. “Sandali lang po, Senyor Arthur. Napaka-unfair naman po sa aking panig. Wala naman akong ginawang masama para pagbawalan ninyo ako na makasama ang mga anak ko. Karapatan ko po iyon bilang ama nila,” ani Gavin. “Karapatan? Meron ka nga bang karapatan Mendez? Sa papel Angeles si Trevin samantalang Buenaventura si Tatiana. Kaya wala kang habol!” mariing saad ni Senyor Arthur. Pagak siyang napangiti at puno ng pait na tiningnan ang lalaki na siyang dahilan ng pagdurusa ng anak at mga apo. “Idudulog ko sa korte para kahit mabisita man lang sila,” mahinang usal ni Gavin. Natawa na lang ang ama ni Trixxie. “At sa tingin mo kung tatanungin ang mga bata kung kanino sila sasama ay ikaw ang pipiliin nila? Buong buhay wala ka naman sa tabi nila. Kaya maghun