Chapter 117

Pagbaba namin ng barko ay bumungad sa amin ang napakaraming kumpol ng mga tao dito sa pantalan at sa bayan na tinigilan namin. Maggagabi na pero madami pa ring mga tao ang nasa labas. Ang iba ay tulad naming kabababa ng barko habang ang iba naman ay pasakay at bibyahe pa lang. Madami rin ang mg nagtitinda sa gilid gilid, pagkain, pasalubong at iba pa.

"Dito na tayo magpalipas ng gabi sa bayan. Agahan na lang natin bukas ang pag-alis para mas maaga tayong makakarating doon," ani Caleb na siyang nauunang naglalakad.

Base sa mga kilos niyang walang pag-aalangan ay mukhang kabisado niya ang mga pasikut-sikot sa lugar na ito.

Kumuha siya ng murang kwarto na tutuluyan namin tutal ay magpapalipas lang naman kami ng gabi dito.

Matapos naming makuha ang susi ng tutuluyan namin ay ang agad naming ginawa ni Caleb ay linabhan namin ang aming ilang mga damit na nagamit namin doon sa barko.

Pagkatapos naming mag-ayos ay saka kami lumabas upang humanap ng lu