Chapter 120

Malayo pa kami sa pintuan ni Caleb pero agad na kaming sinalubong ng mga kasambahay na nakauniporme, pati mga damit nila na pangkatulong ay sobrang elegante rin.

Apat silang sumalubong sa amin at halos hindi sila magkandaugaga kung paano kami aasikasuhin.

"Magandang araw po sa inyo," sabay-sabay nilang wika habang nakapalibot sa amin.

Merong kumuha ng duffle bag na nakasukbit sa mga balikat namin, meron ding kumuha sa hawak kong paper bag samantalang ang isa naman ay pinatungan ako ng malaking tuwalya.

"Naku miss, baka malamigan kayo niyan. Bakit ganyan lang po ang suot niyo?" wika ng pinakamatanda sa kanila.

Nagkamot lang ako ng batok. Ganito ba sila dito? Masyadong maalaga sa mga bisita nila?

"Pasok po kayo sa loob. Nakahanda na po ang kwartong gagamitin ninyo. Maligo at magpahinga po muna kayo, gigisingin na lang po namin kayo kapag handa na ang hapunan," anila na nauunang maglakad sa amin.

Namamangha kong inilibot ang aking mga ma