Chapter 136

Liam's POV..

Mabilis ang takbo ko papuntang palasyo at lahat ng mga nagtatangkang humarang sa aking daan ay walang pag-aalinlangan na tinatapos ko ang kanilang mga buhay.

Wala akong dapat na aksayahin na oras. Naguguluhan ako. Hindi ko alam kung bakit kinuha ng mga kalaban si Lauren at kung ano ba ang kailangan nila sa kanya. Pero kahit ganun ay nagpapasalamat pa rin ako na bukod sa paralisadong katawan niya ay mukhang wala na siyang ibang pinsala pang tinamo mula sa kanila. Hindi ko nga lang alam kung ano ang gagawin nila sa kanya.

"Beta Liam!"

"Kamusta po ang bayan?"

"Ano na po ang nangyayari sa labanan?"

Yun ang sunod-sunod na tanong ng kumpol ng mga mamamayan pagkatapak na pagkatapak ko sa palasyo, sinalubong nila agad ako at kulang na lang ay paghatian ako upang sagutin ang kanilang mga katanungan.

Hindi ko sila pinansin at linagpasan lang sila habang mabibilis at malalaki ang mga hakbang. Wala akong panahon na sagutin ang lahat