Chapter 16

"Tara na? Kailangan na nating bumalik sa baba. Nagugutom na rin ako," ani Jacob.

Bahagya lang akong tumango.

Kita ko pa ang pagkaasiwa niya nang alalayan niya akong tumayo. Kailangan na talagang gumaling ng likod ko. Ayaw kong laging ganito. Na lagi akong inaalagaan ni Jacob na parang isang bata. At dahil sa nangyari kanina ay medyo naiilang na rin ako na malapit siya.

Nang maiupo niya ako sa passengers seat ay agad rin siyang umikot papunta sa kabila. Pasimple ko siyang tiningnan habang kinakabit ko ang aking seat belt.

Sobrang tahimik niya pero napansin kong namumula ang leeg at tenga niya. Hindi ko na lang yun pinagtuunan pa ng pansin at tumahimik na lang din katulad ng ginagawa niya.

Kinuha ko ulit ang baseball cap niya at muling isinuot kahit wala ang basbas niya.

Umandar na ang sasakyan at nagsimula na kaming bumaba ng bayan. At habang patagal nang patagal na walang nagsasalita sa amin ay palaki rin nang palaki ang tension sa pag