Chapter 46

"Lauren!" sigaw iyon ni Leon. Galing siya sa kabilang banda ng kakahuyan. Wala na siyang suot na pang-itaas na damit at pawisan ang buo niyang katawan.

"Leon!"

Nang makalapit siya sa amin ay mabilis niyang inihirang ang kanyang sarili sa mga lobong bagong dating lalo na sa isa na inaamoy ako.

"Are you okay? Hindi ka ba nila sinaktan?" tanong ni Leon na nasa harap ko at matalim na nakatingin sa lobong kaharap niya.

Umiling ako. "I-I'm fine," sagot ko. "Sino ba sila?" tanong ko.

"They're intruders. Mga taga Ursul," sagot ni Leon.

Sabi na nga. Tama ang hinala ko na hindi sila taga rito.

Mula sa di kalayuan, sa gitna ng masukal na kakahuyan ay nakarinig ako ng mga mabibilis at mabibigat na pagtakbo papalapit sa direksiyon namin.

Don't tell me na meron pa silang mga bagong kasamahan na paparating.

Unang lumabas mula sa madilim na kakahuyan ang isang malaki at kulay kayumangging lobo. Nang magtama ang aming mga mata ay agad ko