CHAPTER 25

HUMUGOT ng malalim na buntong-hininga si Brix bago napagpasyahang magsalita.

"L-Ladies and gentleman," pukaw niya sa mga bisita. Gumaralgal pa ang tinig niya. "I-I'd like to inform you all that the said wedding is cancelled. Sorry to keep you all waiting," yukod-ulong paumanhin niya, saka nakatungong naglakad papasok ng kumbento.

He felt humiliated in front of many people and it hurts! Subalit wala nang mas hihigit pa sa sakit ng kaloobang tuluyan na siyang tinalikuran ni Sofia. Hindi siya sinipot nito. Hindi siya sinipot ng babaeng mahal niya.

May pumatak na luha sa mga mata niya. Pinagsusuntok niya ang dingding ng kumbento. 'Buti na lang at walang tao roon. Nasa loob ng simbahan ang pareng magkakasal sana sa kanila, pati ang sakristan nito.

"D-Daddy..." Patakbong sinugod siya ni Euna. Nangunyapit ito sa binti niya habang umiiyak. Kasunod nito si Zarina na kababakasan ng pag-aalala ang mukha habang nakatitig sa kaniya.

Iniiwas niya ang sariling mukha sa kapatid. Ayaw niyang makita nit