Chapter 57 (Dwight)

NAKANGITING pinagmamasdan ni Syrellie ang mga anak habang nagtatampisaw ang mga ito sa tubig-dagat. Nakasampa si Kenjie sa balikat ni Lance, habang si Kelly nama'y sa balikat ni Dwight. Naghahabulan ang mga ito sa kung sino ang mauunang makapunta kay Byron. May premyo raw kasi ang lalaki. Hindi nga lamang niya alam kung ano'ng premyo ang sinasabi nito.

Napapailing siya habang natatawang pinagmamasdan ang mga ito. Ang kulit-kulit kasi ni Byron. Atras ito nang atras, kaya naman hindi maiwasang magmaktol ni Kelly. Halos masabunutan pa nito ang ama sa panggigigil. Nakalugay pa man din ang mahabang buhok ng binata, kaya naman tawa siya nang tawa lalo na sa reaksyon ni Dwight sa tuwing masasabunutan ni Kelly. Hindi kasi maipinta ang mukha nito. Marahil ay nasasaktan sa pananabunot ng anak.

"Mukhang enjoy na enjoy ka kakamasid sa kanila."

Awtomatiko siyang napabaling sa nagsalita. Napangiti siya nang mapagsino iyon. It was Annedale. Kasunod nito si Dwayne n