Chapter 7 (Dwight)

"SHE'S all yours tonight, Dwight MS!" narinig niyang saad ng isang lalaking naroon.

Tila napapasong iniiwas ni Syrellie ang paningin sa tinawag na Dwight. Hindi niya matagalan ang mga titig nito. Waring nanunuot iyon sa bawat himaymay ng pagkatao niya.

"Yoo-hoo! Let's start the ball rolling!" sigaw ng isang lalaking may pagka-chinito, kaya naman napabaling ang paningin niya rito. Iwinagayway nito sa ere ang isang kamay na may hawak na bote ng alak.

Hindi siya makagalaw. Tila tuod lang siyang nakatayo sa labas ng kahon. Marunong naman siyang sumayaw, sa katunayan ay magaling siya sa larangang iyon. Pero tila nanghihina ang mga tuhod niya nang mga sandaling iyon. Tila wala iyong lakas.

"Sasayawan ba tayong lahat niyan?" narinig niyang tanong ng isang lalaking prenteng nakaupo sa pang-isahang couch. Tingin niya rito'y may halong banyaga. Mukhang half Spanish.

"Of course!"

"No!"

Magkapanabay na tugon ng dalawang lalaki. Nagp