CO 24:

•Gaea•

Mabilis akong tumayo sa kama at tumakbo patungo sa kwarto nila Klint at Clyden nang marinig ang malakas na sigaw na iyon. Kahit si Nene na nakapikit pa ang mga mata ay sumunod na rin sa akin.

Kaagad kong kinatok ang pintuan at tinawag ang pangalan ni Clyden sa loob. Kaagad naman na bumukas ang pinto at ang namumutla nitong mukha ang bumungad sa akin.

"Anong nangyari sa iyo?" nagtataka kong tanong sa kanya. Hindi ito nagsalita at yumakap kaagad sa akin. Napabuntong-hininga ako at hinaplos ang kanyang likuran para mawala ang kumalma ito. "May nangyari bang masama, Clyden?"

"Narinig ko iyong malakas na kukuka-ok," saad niya. Tumaas-baba pa ang kanyang dibdib halata ang kaba na kanyang nararamdaman sa oras na ito. Ngunit hindi ko siya maintindihan kaya kinunotan ko ito ng noo. "Do you have monsters here?"

Natampal ko ang aking noo dahil sa sin