CO 32:

•Gaea•

Simula nang araw na iyon madalang na lang tumawag si Clyden sa akin. Minsan ako pa ang tumatawag sa kanya dahil nami-miss ko na ito. Kung pwede lang sana itong puntahan sa China ay ginawa ko na ngunit bukod sa wala naman akong malaking pera na gagastusin para roon ay busy rin ako sa trabaho.

Tumayo ako sa aking kinauupuan at sinalubong si Beatrice na papasok sa opisina ko. Sa loob ng dalawang linggo kong pagtra-trabaho ko rito siya ang isa sa nakagaanan ko ng loob. Mabait ito at sa tuwing may kailangan ako sa kanya ay siguradong masasandalan ko ito.

"Hindi mo ba namamalayan ang oras, Gaea? Malapit na mag alas-dos ng hapon." Nagkamot ako sa aking noo at tiningnan ang malaking orasan na nakasabit sa taas ng aking pader.

"Kakain na nga, hindi ko naman kasi namalayan ang oras habang nagsusulat." Tinaasan niya ako ng kaliwang kilay at