CHAPTER 12

Hindi muna pumasok si Thalia sa eskwelahan dahil naka-schedule siya ngayon na magpa-check up sa OB Gyne na nirekomenda ng mga magulang ni Earl. Nagfile na lamang siya ng leave.

“Thalia, apo kumain ka ng marami ha. Hindi na lang ikaw ang iisipin mo ngayon kung hindi pati na rin ang nasa sinapupunan mo,” malambing na paalala ng lola ng niya.

“Opo lola, salamat po,” nakangiting sagot niya sa kanyang lola. Ang sarap ng nasa harapan niya ngayon. Nilutuan siya ng lola niya ng sinangag at saka longganisang lukban.

Maganang kumakain si Thalia nang dumating si Earl para sunduin siya papuntang OB.

Ang binata na pala ang sasama sa kanya pagpunta kay Dra. Helen Avelino. Noong nagtext ang mommy nito kagabi at sinabi yun ay medyo kinabahan siya. Ngayon lang kasi niya makakasama ang binata na silang dalawa lang.

“Earl, hijo halika sumabay ka na sa aming kumain,” paanyaya ng lola ni Thalia.

“Oo sumabay ka na sa amin, huwag ka na ding mahiya, nabuntis mo na nga ang apo ko eh,” pabiro ngunit ramda