CHAPTER 63

SAMANTALA, mula nang malaman ni Ronaldo na may lead na ang mga Montefalco sa paghahanap ng mga ito kay Carolina ay hindi na siya mapakali. Nasa may terasa siya ngayon ng kanyang mansiyon at umiinom ng paboritong niyang alak. Gabi-gabi niya itong ginawa dahil mula nang paghiwalayin sila ni Carolina ng pamilya nito ay hinihiling niya palagi na sana ay muli silang magkita ng babaeng pinakamamahal.

(flashback)

Kahit nahihiya ay sumama si Ronaldo sa mansiyon ng mga Montefalco. Pinilit kasi talaga siya ni Tonyo, ang nickname na binigay niya sa kaibigang si Antonio Montefalco. Napapangiti na lamang ang kaibigan niya sa tuwing tatawagin niya itong Tonyo.

Si Tonyo ang naging tagapagligtas niya noon sa grupo ni Baldo, ang mayabang at bully na estudyante sa kanilang paaralan noong high school. Nakakatuwa nga, isang Monteflaco si Tonyo pero sa public school ito nag-aaral.

Kung hindi dahil sa kanya ay baka na-expel na ako sa paaralan at baka hindi makapagtapos ng high school.

“Maraming salamat da