Chapter 25: Acceptance

NIKITA

"Siya ba ang ama ng bata?" Napalingon ako nang bigla akong tanungin ni Terrence pagpasok namin ng sasakyan niya.

Napabuga ako ng hangin bago makapag-isip ng sasabihin. Aamin lang ako sa kaniya tungkol sa relasyon namin ni Kent pero hindi tungkol sa bata. Ayoko rin talaga siyang papag-isipin pa ng sobra dahil baka sa sobrang kuryusidad nito ay hanapin pa si Kent para sabihan. Ganoon pa naman ang madalas kong nababasa sa mga libro. Mahirap na!

"Sina tita Marga at tito Michael ay mga kamag-anak ni Kent. Siya ang naging boyfriend ko pagtapos nating maghiwalay. Sila lang din ang napakilala sa akin ni Kent na kapamilya niya kaya sila lang din ang close ko. Pero ngayon ay hiwalay na kami ni Kent at tungkol sa tanong mo kung siya ba ang ama ng bata ay nagkakamali ka. Iba ang ama ng dinadala ko." Pagsisinungaling ko. It's better this way. Aalis na rin naman ako ng bansa kaya ayos lang kahit 'yan ang isipin ni Terrence sa akin.

"Does he know about you being pregnant with another man? Kay