Chapter 55 Doubted

Lucas's POV

"Alam kong may pinag-usapan kayo ni Iris. Tungkol saan? Gusto ko lang malaman Lucas. Hindi ako magagalit kung sasabihin mo ang totoo."

Napabuntong hininga ako at napatalikod mula kay Clara. Gusto niyang malaman kung ano ang pinag-usapan namin ni Iris kanina? Alam kong hindi siya matatahimik kapag hindi niya nalaman ito.

"Tungkol sa bata. Kay Andrie. Gusto niyang humingi ng tulong sa akin para mahanap ang kaniyang anak."

Ramdam kong pinagmamasdan ako ni Clara habang nakatalikod ako mula sa kaniya. Narinig kong napabuntong hininga siya sa pagkainis.

"Sa daming tao sa mundo. Ikaw pa talaga ang lalapitan ni Iris para hanapin ang anak niya? Ano naman ang koneksyon ng anak niya sayo para sayo humingi ng tulong Lucas? Marami naman awtoridad diba?"

Ikinanlaki ng mga mata ko ang sinabi ni Clara. May pagdududa ba siya? O gusto lang niyang malaman ang totoo?

Biglang gumulo sa isipan ko ang mga sinabi ni Iris na anak namin si Andrie. May nangyari sa amin? Hindi ko matandaan! Hindi