CHAPTER 45: COLD-HEARTED MAFIA LORD

A COLD-HEARTED person was once a person who cared and loved you so much. Mukhang sadyang tadhana na ang nagdidikta na muling magkrus ang landas naming dalawa ni Orion pagkatapos nang huling pagkikita namin sa big event. Marami din mga tauhan ni Papà na nagbabantay sa akin. Kahit saan ako magpunta ay mayro’ng nakaantabay na Snipers at kasama mula ro’n si Ate Yeye. Si Jossel naman ang naiwan sa Artemis habang si Ate Carla ay hindi ko alam kung saan nagpunta.

Nakita ko siya na mag-isang nakaupo sa isang silya sa gilid ng isang restaurant. Hindi niya ako napapansin lalo na’t busy siya sa kaniyang binabasa sa tablet. Napakunot ang aking noo dahil mukhang wala na talaga si Maurizio dahil iba na ang lalaking nasa kaniyang tabi.

Ngayong araw ay mayro’n kasi akong outdoor meeting kay Alexander tungkol sa aming next projects para sa kaniyang kompanya. Balak niya kasi akong kunin na modelo ng kaniyang casinos at resto-bar. Kinuha ko naman lalo na’t malaking exposure iyon para sa akin. Bukod d