Chapter 52

KADARATING lang ni Angeline sa kanilang bahay ng mapansin niya ang kotse na papalabas ng kanilang subdivision. Agad niyang naihinto ang kaniyang kotse ng saglit na mamukaan ang nakasakay sa loob ng sasakyan.

“Xandra?!” gulat na sabi niya at nilingon iyon ngunit nag tuloy tuloy lang ito sa pag andar.

Agad na bumilis ang tibok ng kaniyang puso at napahigpit ang kapit sa kaniyang manibela. Tama nga ang sinabi sa kaniya ng anak na si Tara. Nakauwi na si Xandra sa Pilipinas.

Muli ay nanlaki nanaman ang mata nito ng mayroon siyang maalala—ang kaniyang asawa!

Dahil doon ay dali dali siyang umuwi sa kanilang bahay at ng maiparada ang sasakyan ay mabilis na pumasok sa loob.

“Tanya! Tanya!”

Tawag niya sa kaniyang apo ngunit walang sumasagot. Agad ‘rin lumitaw ang katulong nila na nagulat sa pagsigaw ng kanilang apo.

“Madam! May problema po ba?!” tarantang tanong ng siyang pinakang matanda sa lahat ng katulong na naroroon.

Naninilbihan na ito sa kanila matagal na at hindi pa ito ang asawa ng kan