Chapter 55

NATIGILAN si Xandra ng marinig niya ang maliit na boses na iyon. Nagulat siya ng makita si Tanya pero ang mas ikinagulat niya ay kung paano siya nito nakilala gayong naka mask siya at siniguro talaga nila na hindi siya mamumukaan ni Tara dahil mayroon pa silang isang plano.

“Paano mo ako nakilala Tanya?” mahinang tanong ni Xandra dito.

“Kilala ko po kasi ang tawa niyo. Isa pa po, ramdam ko na kayo ‘yan tita. Na-miss po kita! Ang ganda ganda niyo po!”

Natigilan siya ng bigla siyang yakapin ng bata. Biglang bumilis ang tibok ng puso niya katulad ng unang naramdaman niya ng makilala niya ito. Ang mga mumunting pakiramdam na iyon ang nagsasabi sa kaniya na maaaring iyon ang kaniyang namayapvng anak.

Agad niyang ipinilig ang ulo at ngumiti dito.

“Thank you, Tanya. Ikaw ‘din ang ganda mo,” sincere niyang sabi dito na ikinangiti ng malaki ni Tanya.

“Pwede ka po bang sumama saakin mamaya tita? May ipapakilala po ako sa’yo! Sure po ako na matutuwa kayo pareho!”

Natigilan si Xandra sa kaniyang