Chapter 12.1

“SELENA nasaan ‘yung phone ko?”

Tanong ni Zoey kay Selena nang matapos na ang kanilang klase. Doon lang niya naalala ang kaniyang cellphone kaya nagtanong siya kay Selena dahil iniwan niya iyon sa stock room.

“Cellphone? Wala akong napansin Lili e, saan mo ba huling naiwan?”

Naisip ni Zoey na baka naiwan ang phone niya sa stock room kaya dadaanan nalang niya ‘yun bago umuwi sa dorm.

“Baka nasa stock room pa. Mauna na kayo guys kunin ko lang tapos sunod na ako.”

Sabi niya at tatakbo na sana ng pigilan siya ng kuya niya.

“Samahan na kita.” Seryosong sabi ni Zayne pero umiling lang si Zoey sa kaniya.

“No need na kuya kaya ko na ‘yun! Sige na uwi na kayo!”

Kumaway pa si Zoey sa kanila at tumakbo palayo kaya wala silang nagawa kundi hayaan ito.

Uwian na ng mga estudyante kaya maraming tao sa may hallway at halos lahat ng nakakasalubong ni Zoey ay binabati siya. Hindi niya alam kung mapapangiwi ba siya o ano dahil nasanay siyang puro panlalait ang sinasabi ng mga estudyante sa kani