Chapter 17.1

“IWAN mo na muna ako kuya!”

Napabuntong hininga si Zayne dahil sa sinabi ng kaniyang kapatid kung kaya wala siyang nagawa kundi ang umalis doon. Alam niyang nag-aadjust pa ang kapatid kaya hahayaan nalang muna niya ito.

Nang maramdaman ni Catherine na wala na ang kuya Zayne niya ay dali-dali siyang tumayo mula sa kaniyang pagkakahiga at dali-daling pinahid ang kaniyang mga luha.

“Grabe pwede na akong maging artista nito hahahha!”

Tawa niyang sabi sa sarili at dali-daling kinuha ang kaniyang phone at tinext ang number ng ate Zoey niya. Nakuha niya iyon mula dito kanina at kabilin bilinan nito ay i-text siya agad kapag wala na siyang kasama sa kwarto para makapagpaalam siya sandali at mapuntahan siya.

Excited na siyang makasama muli ang ate niya. Ang tagal niyang inantay ang pagkakataon na iyon kaya hindi talaga siya aalis sa tabi nito at yayakapin lang ito ng yayakapin. Sa ngayon siya palang ang nakaka-alam tungkol sa tunay nitong pagkatao kaya sosolohin niya muna ang ate niya