Chapter 17.2

MAY kaniya-kaniyang kausap ang mga taong nasa sala’s ngayon habang inaantay nila ang pagbalik ni Fiona. Nagpaalam kasi ito sandali na sasamahan lamang ang dalawang kapatid sa kanilang kwarto para bihisan ngunit wala silang kaalam-alam na sa mga oras na iyon ay naganap na ang muling pagkikita ng magkakapatid.

Naroroon na ang magulang ni Bianca na sina Bea at Dylan kasama si Fritz na silang umasikaso sa gulong nangyari at sinubukang i-trace kung nasaan si Katheryn. Ngunit kaugnay ng kanilang pagpunta doon ay wala pa ‘rin silang dalang magandang balita sa kinalalagyan ng babae.

Present na ‘din si Devon na siyang tinawagan ni Xavier tungkol sa importanteng bagay na pinag-uusapan nila ngayon. Ang mga kabataan ay kaniya-kaniya na ‘rin ng pag-uusap tungkol sa nangyayaring bagong gulo. Ngunit lahat sila ay natigilan ng mayroong bumaba mula sa itaas.

Agad na napatayo sila Claire at Zekiel ng makita sina Liam, Liana kasunod si Catherine na sinusundan ng ate at kuya nilang si Zoey at Zayne.