Chapter 9

HINDI alam ni Selena kung ano ang gagawin niya. Niyuyugyog na niya ngayon si Tiana para gisingin ito pero walang nangyayari. Habang ang paligid ay patuloy na sinisigaw na siya ang may kasalanan.

“Nilason niya si Tiana!”

“Sinubukan niyang patayin si Tiana!”

“Anak ni Principal Madel at ang susunod na tagapagmana ng University at Gangster world! Sinadya niya ito!”

Mas lalo lang siyang nanginginig sa mga sigaw sa paligid ngunit wala siyang pakialam doon.

“T-tulong... Tulungan niyo si Tiana please!” Iyak na hingi ng tulong niya sa paligid.

Wala siyang pakialam kung ano man ang sasabihin ng ibang tao tungkol sa kaniya dahil mas mahalaga ang buhay ng kaibigan niya. Si Tiana ang kauna-unahang naging kaibigan niya at malapit na malapit sila sa isat-isa kaya hindi niya gugustuhin na may mangyaring masama dito.

“Selena! Kami na ang magdadala sa kaniya sa clinic!”

Napatingin si Selena sa nagsalita at nakilala niya agad ang mga babaeng iyon. Tatlo sila, kabilang sa grupo ng volleyba