Kabanata 101

Blair Castro

ANG lakas ng halakhak ni Ryu nang makalabas kami sa prosecutor's office. Nakasimangot ko siyang tiningnan. Tawa pa rin siya ng tawa at natigilan lang nang makitang hindi maganda ang timpla ng mukha ko.

Tumikhim siya. “Ang angas mo sa loob, Blair,” aniya saka nilingon si Lukas. “Pero mas maangas pa rin ang buhok mo, Luke,” dugtong niya sabay halakhak.

Hindi ko na pinansin si Ryu. Tinalikuran ko silang dalawa pero nahuli ni Lukas ang braso ko. “Where are you going?”

Hinarap ko siya. “Hindi na ako sasabay sa inyo. May bibilhin pa ako e.”

Nangunot ang niya. “Blair—”

Tinaasan ko siya ng kilay. “May meeting ka diba?”

Bumagsak ang balikat niya. Wala siyang nagawa kundi hayaan ako. Inutusan pa nga niya si Ryu na ihatid ako pero tinanggihan k