Kabanata 75

Blair Castro

KATULAD noong isang araw ay tanghali na naman ako nagising. Bumangon ako at nahagip ng paningin ko ang isang piraso ng pulang rosas sa bedside table at may nakalagay na note doon. Nakagat ko ang pang-ibaba kong labi nang bumalik sa alaala ko ang paghalik ni Lukas sa akin kagabi nang damputin ko ang bulaklak.

Good morning—iyon lang ang nakalagay sa note pero grabe ang ngiting gumuhit sa labi ko. Napatitig ako sa bulaklak saka tumingin sa paligid. Nang masigurong walang ibang tao ay nangingiti kong inamoy ang pulang rosas.

Bakit ganoon? Bakit amoy Lukas?

Naipilig ko ang ulo saka tumayo. Nagtali ako ng buhok matapos ilagay sa vase ang rosas kasama ng iba pang bulaklak na ibinigay sa akin ni Lukas.

Lumabas ako ng kwarto at naabutan ko ang triplets na nasa sala. Naglalaro ng chess sina Owen at Onyx at nanunuod naman sa kanila si Lira