CHAPTER 7

"Umiyak ka ba?" tanong niya muli niya sa mababang boses.

Tiningnan ko siya ng seryoso ang mukha at piniling hindi na lang sumagot sa tanong niya. Wala naman siyang magagawa at siguro ay nagtataka lang siya sa namumula kong mata... wala siyang pakialam talaga.

Nagkatitigan lang kami ng ilang segundo. Walang nangahas na magsalita sa aming dalawa. Naka-sweat pants lang siya at naka-plain black sweater. Siguro ay invited din siya sa party ni Patrick kaya siya narito ngayon.

Tumabi na ako at pinagkasya na lang ang sarili sa espasyo sa pagitan naming dalawa upang ako ay makahakbang na at makauwi na lamang. Hindi na ako nag-abala pang magpaalam sa kanya dahil mukhang mananatili pa naman siya roon.

"Saan ka pupunta?" he asked. I'm a bit shocked. Naririnig ko ang mga yapak niyang sumusunod sa akin mula sa likuran.

"Uwi na'ko. Pumasok ka na roon."

Walang gana kong sagot sa kanya. Patuloy lang sa paglalak