KABANATA 40

Sa sinabi ng matandang bangkero ay kusa na lang na naluha si Ezaiyah.

Ang mga kaibigan niya ay halatang nalungkot din sa pagpapaalam ng bangkero. Pero wala na silang magagawa dahil lahat naman talaga sila ay nakatakdang magkahiwa-hiwalay. Isla Amore de Esperanza isn’t the place for them all to stay and stick together. Aalis din siya roon. Si Chase ay ganoon din. Babalik din sila sa totoong mundo at sa totoong lugar na pinagmulan nila. Maging ang mga staff na kaibigan nila roon ay alam niyang darating din ang panahon na aalis sa islang iyon. Nagkataon lang talaga na nauna ang matandang bangkero.

Ang plano nilang party ay hindi na rin natuloy dahil nilamon na nga sila ng labis na kalungkutan bunga ng pag alis ng bangkero.

Kahit kasi nalalayo ang edad nito sa kanilang lahat na naroon ay hindi ito pumalya na makisama at makisabay sa kanila. Naging dual companion din nila ito dahil bukod sa tumayo itong ama-amahan nila sa islang iyon ay nagsilbi rin itong matapat at masiyahing kaibigan sa