Kabanata 39

"TAPOS NA PO SIR." Masayang turan ni Maureen. Hindi nito inaalis ang paningin sa painting. Sobrang ganda ng painting na kahit siguro sino makakita nito, pangangarapin na maangkin. Ang suwerte niya dahil sa kanya ibinigay ni Sir Gregorio ang painting and take note, libre pa! 

Tumayo ang artist at lumapit sa dalaga.

"Mas lalo pa gaganda 'yan kung ilalagay mo ang iyong pangalan," masuyong sabi ni Gregorio, malikot ang mga mata nito. Panay ang sulyap nito sa mahabang hagdan na baka may magising pa na estudyante at maabutan sila ng dalaga sa sala.

"Okay lang po ba Sir, kung ang pangalan ko ang nakalagay na artist imbes po na ikaw?" Tanong ni Maureen, pero sa isip nito iyon talaga ang gusto niya para maipagmayabang niya na isa ito sa mga obra niya.

Tumango si Gregorio. "Sige na pumirma ka n