Chapter 12

Nahinto ang mga kamay ko sa pag-aayos ng kumot sa bandang dibdib ni Mr. Thompson ng biglang bumukas ang pintuan ng silid. Napatayo ako ng tuwid habang ang dalawa kong kamay ay napahawak sa laylayan ng suot kong duster. Kinabahan ako ng pumasok ang isang magandang babae. Tulad ni Mrs. Thompson, ang awra nito ay naghuhumiyaw sa karangyaan. Katunayan ang mga alahas niyang kumikinang na bumagay sa makinis at maputi nitong balat.

Ngunit ang higit na umagaw ng atensyon ko ay ang mga mata nitong nanlilisik sa galit parang gusto na akong patayin nito. Nalipat ang tingin ko sa bandang likuran ng babae ng biglang lumitaw ang matapang na mukha ni Mrs. Thompson.

“Tita, why did you let her stay here!?” Mataray na tanong ng babae bago nito pinasadahan ng tingin ang kabuuan ko mula ulo hanggang paa at paa hanggang ulo. Ewan ko ba ngunit ang nakikita kong ekspresyon mula sa mukha nito ay tila selos at pagkamuhi.

“You don’t have to worry, Iha, she’s a piece of garbage na kailangan na maglingko