Chapter 40: WHERE IS AVERY

Hindi kabisado ni Avery ang lugar na kinaroroonan. Basta na lang siya binaba ng mga taong kumuha sa kaniya. Nasa kalsada siya, makahoy na lugar at tila way iyon papuntang dagat. Masyadong tahimik at madilim dahil walang mga bahay at tanging streetlights lang ang nagbibigay ng ilaw pero malalayo ang distansya.

Ang masaklap, kumulog at kumidlat pa, dumaan ang malamig na hangin na nagdagdag sa takot na nararamdaman niya. Napayakap siya sa sarili habang umiiyak. Ayon kay Stella, huwag muna siyang magpakita. Eh saan siya pupunta?

Hindi nagtagal bumagsak na ang ulan, ang masaklap pa ay, patay na ang phone niya, naubusan ng baterya kaya ang maasahan na lang niya ay ang pera sa bulsa niya, hindi na niya alam kung nasaan ang bag niya.

Pero wala pang may mga dumaan na sasakyan. Nababasa na siya ng ulan na naging dahilan nang paghagulhol pa niya. Deserve ba niyang maranasan ito?

"Hayop kayong mga Cohen kayo. Akala niyo siguro gaganito lang ako? Gaganti ako, makikita niyo," matigas niyang sab